🖇️ Орман шаруашылығында 38 жыл еңбек өтілі бар Токымтаев Алибек Токтаубекович зейнет жасына жетті. 📝 Орман шаруашылығындағы еңбек жолын 1986 жылы Лениногор орманшаруашылығының Журавлиха орманшылығында орман шебері болып бастап, одан әрі орманшы көмекшісі, орманшы, бас орманшы, директордың орынбасары қызметтерін атқарды. 2003-2004 жылдары Риддер орман шаруашылығының директоры болып тағайындалды. 2004-2018 жылдары Батыс-Алтай мемлекеттік табиғи қорығының директоры қызметін атқарады. 2018-2022 жылдары Тарбағатай мемлекеттік ұлттық табиғи паркінің директоры лауазымына тағайындалып, негізін қалаушы болды. Қазіргі таңда 2023 жылдың қаңтар айынан бастап ғылым, мониторинг, экологиялық ағарту бөлімінің басшысы лауазымын атқаруда. Құрметті Алибек Токтаубекович! Сізді зейнет жасына жетуіңізбен шын жүректен құттықтаймыз! Сіз орманды қорғап, табиғатты сақтау жолында көптеген жылдар бойы адал еңбек еттіңіз. Сіздің тәжірибеңіз бен біліміңіз біз үшін баға жетпес қазына. Сізге және отбасыңызға зор денсаулық, қажымас қажыр-қайрат, қартаймас жайдары көңіл тілейміз!