Жаңа жыл мерекесі қарсаңында қылған жапырақты ағаштардың жас талдарын сақтауға жауапкершілікпен қарауды қалыптастыру мақсатында өткізіліп жатқан «Шыршаны қорғайық және сақтайық» акциясы аясында Батыс-Алтай мемлекеттік табиғи қорығының мамандары Риддер қаласының №16 орта мектебінің екі 4-сынып, 7-сынып, 9-сынып оқушыларына, барлығы 80 оқушыға дәріс өткізді.

Сабақ барысында қамтылған тақырыптар:

• Табиғаттағы қылқан жапырақты ағаштардың маңыздылығы;
• Қылқан жапырақты ағаштардың пайдасы;
• «Шыршаны қорғайық және сақтайық» акциясы туралы;
• Акция аясындағы шығармашылық байқаулар;
• Қорық аумағындағы жануарлар әлемі, оның ішінде құстар туралы болды.

Бұл шаралардың мақсаты:

• Жас ұрпақты табиғатты аялау және қорғауға тәрбиелеу;
• Табиғи шыршаны қорғау жауапкершілігін арттыру;
• Экологиялық сана деңгейін арттырып, экологиялық мәдениетті қалыптастыру.

Қоршаған ортаны қорғау және сақтауда жауапкершіліктің маңыздылығын түсіндіруге бағытталған осындай жұмыстар ары қарай жалғасын табады.